On.cc : 冷鋒到 喺時候食野味養生暖身菜
天文台預料冷鋒會喺聽日橫過華南沿岸，周末氣溫顯著下降，周末更跌至攝氏20度以下添！天氣又寒又乾燥，係時候食番啲暖身養生菜，強身健體又驅寒，最近就有餐廳帶來暖身野味、養生食療及煲仔菜，讓大家享用美饌之餘，亦能暖身養生。
瓦煲熱住上惹味十足
城中人氣川菜餐廳麻辣燙Chilli Fagara最近亦帶來時令煲仔菜，暖心又暖胃。菜式有三杯雜菌煲、京葱鍋燒豆腐煲、雙冬羊腩煲、啤酒鴨煲、花雕牛尾煲、天府銀絲蟹煲及四川臘腸雞煲。推介坊間少有嘅花雕牛尾煲，牛尾煮得軟腍，配多款鮮蔬包括番茄、紅蘿蔔、獨子蒜及陳10年花雕酒，蔬菜吸收醬汁精華，超級美味。煲仔菜式均用上優質海產及食材香料等炮製而成，以燒熱嘅瓦煲盛載，上菜時再點上底部蠟燭將熱鍋微微溫熱住，可以說秋風再涼，身心都暖笠笠。
